六游

營業中

休息中

魚湯米線同拉麵就食得多，今次🐻發現左一間魚湯上海麵既新餐廳。餐廳約14個座位，其中一張係6人枱，拉大隊黎都唔驚。主打3款自家製濃湯上海麵同6款小食。⭐️麻辣凍蜆 $48秘製麻辣汁加入八角，食落有d滷水味，麻同辣比例岩岩好唔嗆口，蜆肉飽滿冇沙，索滿麻辣汁既鮮香好惹味。⭐️蟹肉黃金蓮藕 $38蓮藕清爽脆口，配埋蟹肉一齊食增添多份鮮甜味，食左幾條就即刻想Encore🤭⭐️焦糖蕃薯 $42蕃薯外層微焦，沾滿焦糖，味道甘甜，口感軟綿，係健康又好食既小食。⭐️Asahi $38忍唔住叫左支啤酒配小食🤭⭐️六遊三鮮魚湯上海麵 $108老闆兼主廚Martin好鍾意煮野食，用左接近兩年時間研究出滿意湯底，湯底由雞骨、豬骨、各類魚骨熬製而成。魚骨會先煎香再煮，所以魚味比較出，湯底清甜不膩，無添加味精，可以當湯咁飲。配料有蝦、蟹肉、魷魚、雞胸、雲耳、蓮藕。蝦肉爽口彈牙，雞胸加入百里香慢煮而成，肉質細緻嫩滑。上海麵麵質幼滑，老闆話試過好多款麵，最終揀左呢款上海麵同湯底最配合。