悅火 (已結業)

今日老闆萬歲，請我哋去港晶中心地庫這一間叫做《悅火》嘅餐廳。餐廳環境非常靚，非常有日式風格，入邊掛咗好多紅色嘅布簾，燈籠，日本人像畫，裝飾咗好多園境！猶如置身京都一樣！⛩️我哋食嘅係 悅 商務套餐，總共有八道菜。🦪鮑魚鮑魚切到一片片🐟刺身兩點（油甘魚 ， 鯖魚）鯖魚經過火炙，外皮變得香脆，鯖魚嘅味道濃郁。油甘魚非常新鮮，食落去好鮮甜，仲有好香嘅油脂味。兩種都好好食。🍖燒物盛 五品（日本迷你蕃薯，牛舌，黑豚五花腩，雞髀肉，魷魚）超鍾意食呢五款串燒， 🍠迷你番薯非常甜，又笑得好香。🐂牛舌肉質幼嫩又彈牙。🐖五花腩半肥瘦，好香又滋味，又有豬肉味。🐓雞髀肉柔嫩啖啖肉。🦑魷魚彈牙又爽口。🥚蒸蛋清香蒸蛋，又滑又嫩，配上濃郁嘅海膽，成個感覺非常奢華，同時又非常好味😋🥒漬物有青瓜，牛蒡和苦瓜，加上芝麻，食落去清新又有芝麻香，而且口感爽脆，食得好過癮。壽司🍣四貫 (帶子，金目鯛，油甘魚，赤身）每件壽司都非常新鮮，最鍾意食油甘魚黃和金目鯛。🍲吸物( 鯛魚清湯)呢個湯非常清，飲落去有好重嘅鯛魚味，好好飲！甜品或咖啡，甜品係一件小小的芒草蛋糕，非常精緻！