老鳳冰室 (已結業)

今日放工約左朋友食飯，由於大耐冇食過茶餐廳，行行下葵芳見到有間冰室，就試試佢啦，結果果然冇去錯餐廳。餐廳環境非常懷舊style，令我好似置身喺六七十年代咁，好有獨特嘅風格。第一道小食係黑松露炒蛋多士，好重黑松露味，多士又夠脆，好食！第二道菜係芝士豬頸肉撈丁，好有芝士味，好好味。第三道菜係焗安格斯牛腩飯，牛腩好淋，好入味。飲品方面我地叫左飛仔華田同原味波波奶茶，屬中上水平。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地兩個人食左大概$170。以咁高質素嘅食物黎講算係物超所值。所以整體黎講我對今餐嘅評分係9分！