影片
更多
2019-07-17
112 瀏覽
前幾日同朋友去葵廣行街，但係又唔想掃街，朋友話附近商場有間幾好味嘅冰室，於是我哋就去咗食。嗰度環境都幾靚，啲裝修好有懷舊嘅風味，好似去咗80年代食嘢，好特別。我哋嗰晚叫咗好多嘢食。首先推介嘅係芝士大蝦球濃茄湯通粉，呢個茄湯通粉真係好濃郁，比起其他餐廳嘅茄湯濃郁好多，而嗰個大蝦球好大隻，仲有好多隻。正！至於個黑松露炒蛋多士，啲蛋多到鋪唔住塊多士，啲黑松露好香，呢個真係超級推介，又抵又大份！個焗芝士海鮮保齡球好大個，裡面啲海鮮料好多，又有飯，好飽滿！配埋芝士真係好夾。仲有個芝士豬頸肉撈一丁，啲豬頸肉好大塊，芝士同一丁好夾，又大碗，咁嘅價錢真係好大份好抵！我哋仲嗌左個口水雞飯，啲雞好少骨，好滑，個汁都好好味，幾夠辣。👍🏼 口水雞送飯簡直一流呀！嘢飲方面，我哋嗌咗三個特飲。波波奶茶入面啲冰係由奶茶雪成，即使溶咗奶茶味都唔會淡，設計好好！紅豆冰同埋雪糕紅豆冰都好精緻、好有兒時嘅味道啊！嗌咗咁多嘢食埋單每人都唔使$100好抵！侍應服務態度又好好，朋友倒瀉野佢都即刻過嚟幫佢！十分推薦依間餐廳👍🏼
嗰度環境都幾靚，啲裝修好有懷舊嘅風味，好似去咗80年代食嘢，好特別。
我哋嗰晚叫咗好多嘢食。
首先推介嘅係芝士大蝦球濃茄湯通粉，呢個茄湯通粉真係好濃郁，比起其他餐廳嘅茄湯濃郁好多，而嗰個大蝦球好大隻，仲有好多隻。正！
至於個黑松露炒蛋多士，啲蛋多到鋪唔住塊多士，啲黑松露好香，呢個真係超級推介，又抵又大份！
個焗芝士海鮮保齡球好大個，裡面啲海鮮料好多，又有飯，好飽滿！配埋芝士真係好夾。
仲有個芝士豬頸肉撈一丁，啲豬頸肉好大塊，芝士同一丁好夾，又大碗，咁嘅價錢真係好大份好抵！
我哋仲嗌左個口水雞飯，啲雞好少骨，好滑，個汁都好好味，幾夠辣。👍🏼 口水雞送飯簡直一流呀！
嘢飲方面，我哋嗌咗三個特飲。波波奶茶入面啲冰係由奶茶雪成，即使溶咗奶茶味都唔會淡，設計好好！紅豆冰同埋雪糕紅豆冰都好精緻、好有兒時嘅味道啊！
嗌咗咁多嘢食埋單每人都唔使$100好抵！侍應服務態度又好好，朋友倒瀉野佢都即刻過嚟幫佢！十分推薦依間餐廳👍🏼
張貼
