影片
更多
2018-06-18
142 瀏覽
早早已聽聞過滾得囍既火鍋有特色，於是今晚約埋三五知己一於黎試下一出地鐵站左轉行一分鐘就到一入到餐廳，宮廷氣氛濃厚，富麗堂皇，睇得出餐廳花咗好多心思係裝修上。座位之間會有屏風格住，保持一定嘅私隱度。而且桌椅都很古典優雅，猶如置身宮廷一樣來到座位，最搶眼的就是桌面上金燦燦既「聖旨」，原來係菜單之一餐廳有小炒、火鍋、小食，款式繁多，應有盡有。湯底我哋叫咗花膠雞湯（半隻雞）店員建議我哋先飲咗湯，差不多飲到一半才加清湯打邊爐。雞湯鮮甜，加埋厚身通透既花膠落去煲，重重嘅骨膠原飲到個口黏黏的，可想言之個湯幾多膠質而且花膠份量十足！細心嘅店員將花膠剪成小塊方便進食真係滋補又養顏小食我地叫左招牌既黃金系列，有睇我之前食評嘅朋友都知我係鹹蛋迷所以兩樣都叫晒。黃金炸魚皮（上）熱辣辣新鮮炸好嘅大魚皮黏滿鹹蛋黃，見到已經垂涎三尺🤤咬落脆卜卜，甘香嘅鹹蛋味同魚皮真係好夾，食多兩塊真係會食上癮，而且佐酒一流黃金響鈴（下）響鈴即叫即炸，層層鬆化，極之香脆索哂濃郁既鹹蛋黃，鹹蛋迷一定鍾意！十分推介半熟牛脷，薄切所以滾兩下就食得，好軟腍而且帶有牛脷既酥香味推介之一。蟶子皇(時價)當天$50/隻，上碟賣相好精緻，插滿艶花蟶
一入到餐廳，宮廷氣氛濃厚，富麗堂皇，睇得出餐廳花咗好多心思係裝修上。座位之間會有屏風格住，保持一定嘅私隱度。而且桌椅都很古典優雅，猶如置身宮廷一樣
來到座位，最搶眼的就是桌面上金燦燦既「聖旨」，原來係菜單之一餐廳有小炒、火鍋、小食，款式繁多，應有盡有。
湯底我哋叫咗花膠雞湯（半隻雞）
店員建議我哋先飲咗湯，差不多飲到一半才加清湯打邊爐。雞湯鮮甜，加埋厚身通透既花膠落去煲，重重嘅骨膠原飲到個口黏黏的，可想言之個湯幾多膠質而且花膠份量十足！細心嘅店員將花膠剪成小塊方便進食真係滋補又養顏
花膠雞湯
15 瀏覽
0 讚好
0 留言
小食我地叫左招牌既黃金系列，有睇我之前食評嘅朋友都知我係鹹蛋迷所以兩樣都叫晒。
黃金炸魚皮（上）
熱辣辣新鮮炸好嘅大魚皮黏滿鹹蛋黃，見到已經垂涎三尺🤤咬落脆卜卜，甘香嘅鹹蛋味同魚皮真係好夾，食多兩塊真係會食上癮，而且佐酒一流
黃金響鈴（下）
響鈴即叫即炸，層層鬆化，極之香脆索哂濃郁既鹹蛋黃，鹹蛋迷一定鍾意！十分推介
黃金響鈴
23 瀏覽
0 讚好
0 留言
半熟牛脷，薄切所以滾兩下就食得，好軟腍而且帶有牛脷既酥香味推介之一。
半熟牛脷
28 瀏覽
0 讚好
0 留言
蟶子皇(時價)當天$50/隻，上碟賣相好精緻，插滿艶花蟶子大大隻，肉質爽彈，好新鮮。點少少豉油再帶出鮮味。
新鮮蟶子皇
20 瀏覽
0 讚好
0 留言
手打芝士牛肉丸，牛丸好彈牙牛味濃，咬開芝士呈流心效果，小心燙口。
手打芝心牛丸
17 瀏覽
0 讚好
0 留言
另一推介-黑松露墨魚滑
墨魚滑本身已經混左黑松露，面頭再加上黑松露油&黑松露醬，滿滿黑松露墨香滑好彈牙且帶著黑松露香同行友人都大讚好出色！
黑松露墨魚滑
20 瀏覽
0 讚好
0 留言
最後有木瓜雪耳南北行糖水（包含在醬芥、前菜、甜點既收費$28/位），滋補養顏，但略嫌湯水有點太甜。
臨走仲有得post相上ig hashtag#滾得囍，一個account print兩張相
食物質素同環境都好滿意，而且服務很好，店員主動前來加湯。必定會再光臨
張貼
