影片
更多
2022-01-04
559 瀏覽
一年一度嘅聖誕節，當然要慶祝一下，呢間係堅尼地城嘅英式餐廳🍴🇬🇧過時過節出去食飯動輒都要過千蚊，當然希望食物都有返咁上下質素，今次呢一間餐廳果然冇令人失望，唔會趁住節日搶錢之外，食物質素重要非常高質。介紹返今次嘅Christmas Menu，$498/位，另加一，非常合理吧👏👏😎😎😋 House Cured Beetroot Cravlax煙三文魚配上翠玉瓜、紅菜、紅菜啫喱，擺碟令到食慾大增，所有材料都非常新鮮，絕對係一個好好嘅開始💗💗😋 Seared Goose Liver鵝肝用火槍燒得剛好，令鵝肝的油脂鎖住，入口即溶，又香又滑，配上生果粒🍓🫐，正好能一解油膩感🥂😋 Beef Wellington 🍖呢個真心推介！呢個真係好好食！首先Beef Wellington嘅準備功夫其實好多，要整得好食其實都好難，表面嘅酥皮非常香脆，中間嘅牛柳，肉質非常鮮嫩！而蘑菇蓉中間亦都加入咗黑松露，令到整個Beef Wellington嘅味道更加有層次，淨係諗返呢個味道，都已經流曬口水🤤🤤好想再食！😋Lobster Tail & Seared Scallop半隻龍蝦🦞雖然唔算係好大隻，但係有淡淡的海水味
過時過節出去食飯動輒都要過千蚊，當然希望食物都有返咁上下質素，今次呢一間餐廳果然冇令人失望，唔會趁住節日搶錢之外，食物質素重要非常高質。
介紹返今次嘅Christmas Menu，$498/位，另加一，非常合理吧👏👏😎😎
😋 House Cured Beetroot Cravlax
煙三文魚配上翠玉瓜、紅菜、紅菜啫喱，擺碟令到食慾大增，所有材料都非常新鮮，絕對係一個好好嘅開始💗💗
😋 Seared Goose Liver
鵝肝用火槍燒得剛好，令鵝肝的油脂鎖住，入口即溶，又香又滑，配上生果粒🍓🫐，正好能一解油膩感🥂
😋 Beef Wellington 🍖
呢個真心推介！呢個真係好好食！首先Beef Wellington嘅準備功夫其實好多，要整得好食其實都好難，表面嘅酥皮非常香脆，中間嘅牛柳，肉質非常鮮嫩！而蘑菇蓉中間亦都加入咗黑松露，令到整個Beef Wellington嘅味道更加有層次，淨係諗返呢個味道，都已經流曬口水🤤🤤好想再食！
😋Lobster Tail & Seared Scallop
半隻龍蝦🦞雖然唔算係好大隻，但係有淡淡的海水味，肉質鮮嫩香口，帶子亦都大大隻，一樣係煎得外脆內軟，帶子嘅鮮味簡直係流曬出嚟🤤🤤
😋 Homemade Christmas Pudding
布甸加入咗不同嘅莓子、葡萄乾、乾果、堅果仲有白蘭地，口味來講呢應該就唔係好啱香港人，不過確實係一個英國傳統而聖誕又必食的「布甸」，當然要食啦。
😋 Brown Bread Ice-cream
呢個又係推介，雪糕入面有紅莓，甜甜蜜蜜加上有少少酸、小小咸，口味非常特別。另外仲配上whiskey 啫喱，濃烈到好似食多兩粒就會醉咁🤣🤣，但好特別呢！
P.S. 確實呢度嘅嘢食係好出色，不過等候嘅時間都相當之長，食過前菜之後等咗接近一個鐘先至再上Main course，都確實令唔少客人等到有點攰。而喺等安排入座、點餐甚至付款時，都有失誤。知道聖誕當日都有好多訂枱，但可能都要再考慮係下人手嘅安排，否則下次都未必會再考慮節日到這餐廳。
重點重點重點，據聞餐廳每逢星期二，六點之後就會有「$10」1隻生蠔🦪🤤🤤🤤，新鮮又有淡淡海水味！等我哋為大家再去試！好食再同大家分享！
如果食過嘅朋友都不妨留言話俾我哋知好唔好食😍😍，因為真係好想好想食呢！
抵食程度：⭐️⭐️⭐️⭐
食物質素：⭐️⭐️⭐️⭐
員工態度：⭐️⭐️⭐️
環境裝飾：⭐️⭐️⭐️️⭐
衛生情況：⭐️⭐️⭐️⭐
食過返尋味：⭐️⭐️⭐️⭐️
（滿分：⭐️⭐️⭐️⭐️⭐️）
張貼
