影片
更多
2015-12-26
171 瀏覽
一行四人去食聖誕大餐，朋友都提議食日本野，但係兩個住香港，一個住九龍，一個住新界，地點都真係要就下，大家都讚成旺角夠方便。係旺角行完街夠晒累，近近地係波鞋附近有間居酒屋，大家一致讚成！居酒屋內日式格局，多眼地方擺有多條大既日本魚供客人選擇，非常吸睛。四個人都叫左幾多野食： 鱆紅魚和風沙律：味道特別，有d似泰式沙律既味道。味道酸酸地，配以鱆紅刺身，開胃又好食！沖繩花生豆腐：非常特別既一味菜。黏黏地，口感獨特，豆腐花既香味夾雜住花生香，好食。自家制櫻蝦蟹肉玉子燒：入口食到層層既蛋中間仲有蝦，非一般既玉子燒，加左蝦之後更有咬口。沖繩腐乳：口感似腐乳，味道夾雜住酒味。問問店員原來沒有酒，只是發酵出嚟既味道，不過佢咁獨特既味道就未必人人鐘意。 刺身有粒貝，伊佐木，油甘魚腩，三文魚，甜蝦。刺身非常新鮮 : 粒貝好爽口，三文魚即使厚切都唔會影響口感，一樣係入口即溶，刺身質素非常之高，絕對要試！ 鳴門壽司拼盤：我就食左金目鯛，拖羅卷同海膽。食壽司拼盤比較少機會試金目鯛，今日一試，十分難忘！因為佢魚味獨特，味道討好，可惜一盤只有一件。拖羅卷雖然冇壽司咁大件，但係細件得嚟食落口都係滿口
一行四人去食聖誕大餐，朋友都提議食日本野，但係兩個住香港，一個住九龍，一個住新界，地點都真係要就下，大家都讚成旺角夠方便。係旺角行完街夠晒累，近近地係波鞋附近有間居酒屋，大家一致讚成！
居酒屋內日式格局，多眼地方擺有多條大既日本魚供客人選擇，非常吸睛。
四個人都叫左幾多野食：
鱆紅魚和風沙律：味道特別，有d似泰式沙律既味道。味道酸酸地，配以鱆紅刺身，開胃又好食！
沖繩花生豆腐：非常特別既一味菜。黏黏地，口感獨特，豆腐花既香味夾雜住花生香，好食。
自家制櫻蝦蟹肉玉子燒：入口食到層層既蛋中間仲有蝦，非一般既玉子燒，加左蝦之後更有咬口。
沖繩腐乳：口感似腐乳，味道夾雜住酒味。問問店員原來沒有酒，只是發酵出嚟既味道，不過佢咁獨特既味道就未必人人鐘意。
刺身有粒貝，伊佐木，油甘魚腩，三文魚，甜蝦。刺身非常新鮮 : 粒貝好爽口，三文魚即使厚切都唔會影響口感，一樣係入口即溶，刺身質素非常之高，絕對要試！
鳴門壽司拼盤：我就食左金目鯛，拖羅卷同海膽。食壽司拼盤比較少機會試金目鯛，今日一試，十分難忘！因為佢魚味獨特，味道討好，可惜一盤只有一件。拖羅卷雖然冇壽司咁大件，但係細件得嚟食落口都係滿口拖羅味。海膽一向係我大愛，呢度既海膽壽司仲要大大塊海膽，真係好幸福！呢度既壽司質素同刺身一樣有番咁上下！
煎沖繩黑豚餃子，外層有少少硬身，入口多汁，不過不失。
明太子雞翼串燒：雞翼除左雞翼尖位其他冇骨，明太子味道出色，帶微辣，成個配搭得好好。
清酒煮日本大蜆，大蜆大隻爽口，清酒煮出嚟酒味唔會太濃。
水雲小丸子，外型特別。水雲似海草，可能小丸子炸得有d過火，有少少硬。
石鍋博多湯豬軟骨烏冬，烏冬好滑，湯底好少油，非常健康，烏冬係連石鍋煮，所以上枱時仲熱騰騰！
日本磯燒番薯串燒：番薯細細好得意，細既size唔會令人食兩啖就好飽，而且入口香甜。由於佢外層落左少少鹽，咸甜夾雜既味道十分特別！
食完呢個聖誕大餐，我地四個都覺得今個聖誕滿載而歸！
張貼
