鐵板站 - 扒房餐廳 (已結業)

話說今次係第3次去鐵板站, 第一次係女友放工諗唔到食乜, 就去左九龍城行下, 誤打誤撞入左黎, 發現原來鐵板站D水準真係好得。黎得呢度食就當然食扒啦, 第一次本身想食西冷, 老細極力推介食三角牛扒, 之後一試難忘, 所以聖誕都黎呢度。今次同女友一人一餐, 我食安格斯牛扒, 女友食大蝦拼牛扒, 可能因為廚房忙既關係, 鐵板唔夠熱, 但剩係食呢度D食材, 牛扒肉質已經值回票價, 我因為有病唔食得蝦, 女友都話個蝦味道唔錯, 而女友塊牛扒始終唔係貴價既關係, 女友既牛就冇我既安格斯牛咁好食了。當日我地加錢要左龍蝦湯, 一般出面DELI FRXXXE或者其他餐廳飲既味道食OK, 但呢度味道夠濃之餘, 真係俾足料, 有好多舊龍蝦, 味道GOOD。順帶一提, 阿老細好鬼熱情, 成日搵我地吹水, 我地影相佢就連相機都拎埋幫我地影, 好鬼好服侍。埋單兩個人先285, 仲要係聖誕節同埋加左錢轉龍蝦湯。