海宴樓 (已結業)

本身book左位，所以一去到就有位，一坐低就已經有姐姐攞定調味料，服務慇勤。我地一行七人叫左個膏蟹鮮魚湯底，點知入面仲有海鮮（蝦／蜆），個湯真係好鮮好甜，食響鈴（冇影到相，因為兩秒已經食哂）沾一沾個湯，真係又香又脆，個形狀好似螺殼咁幾特別。打邊爐又點可以冇爐呢，其次就係肥牛。睇賣相就已經冇得輸，朋友食左一塊就即刻叫多一碟，真係可想而知！珊瑚蚌好爽口，都係食完要再叫多一碟先夠皮。重點係車蠔，我同朋友都係第一次食。原來係乾瑤柱既前身，食落鮮甜，口感有咬口，灼幾灼就食得。本地青口，細細隻但係有濃縮左既鮮味，又係一定要食，可惜唔記得影相。不過想食羊肉就要留意，因為未有提供。