影片
更多
2008-12-27
10 瀏覽
第六百個食評終於誕生喇, 師傅為左呢個食評, 真係左諗右諗, 費盡心機, 為的只係想有個難忘嘅回憶; 終於等到普天同慶嘅大日子, 師傅揀左呢間食店, 決定同女友過一個二人世界, 吃個甜蜜嘅聖誕餐!千里迢迢黎到, 準時去到呢間食店, 由於一早喺訂枱時已特別要求坐露天, 所以去到當然照樣安排啦; 由於係聖誕日, 所以師傅一早已經知道晚餐係一個準備好嘅套餐, 套餐有頭盤, 餐湯, 主菜, 甜品同餐飲, 坐底再睇下係咩菜式, 真可惜全個餐牌都係雞腸, 睇極都唔明, 查埋字典都唔係好明, 死火!唔緊要照食, 頭盤係d甚麼帶子沙律, 帶子真係幾鮮幾甜, 而且肉質爽口, 唔錯; 而沙律係以菜為主, 菜都算幾新鮮, 可以啦; 而餐湯就係薯仔同芝士配埋少少火腿, 味道一般, 口感幾鞋可能係d薯蓉嘅關係啦, 反而伴碟嘅蒜蓉包就幾軟熟, 蒜蓉味夠香, 真係唔錯, 正呀; 主菜分別係火雞同埋魚, 每樣柯打左一份, 火雞肉身都唔算好鞋, 肉身算鬆, 可以啦; 而魚就煎得好香, 一d都唔腥, 配埋蕃茄酸酸地, 都幾醒胃, 份量係少d, 不過好彩有薯蓉人伴碟, 都算夠飽; 而甜品係朱古力布甸配雪糕, 朱古力布甸都算
千里迢迢黎到, 準時去到呢間食店, 由於一早喺訂枱時已特別要求坐露天, 所以去到當然照樣安排啦; 由於係聖誕日, 所以師傅一早已經知道晚餐係一個準備好嘅套餐, 套餐有頭盤, 餐湯, 主菜, 甜品同餐飲, 坐底再睇下係咩菜式, 真可惜全個餐牌都係雞腸, 睇極都唔明, 查埋字典都唔係好明, 死火!
唔緊要照食, 頭盤係d甚麼帶子沙律, 帶子真係幾鮮幾甜, 而且肉質爽口, 唔錯; 而沙律係以菜為主, 菜都算幾新鮮, 可以啦; 而餐湯就係薯仔同芝士配埋少少火腿, 味道一般, 口感幾鞋可能係d薯蓉嘅關係啦, 反而伴碟嘅蒜蓉包就幾軟熟, 蒜蓉味夠香, 真係唔錯, 正呀; 主菜分別係火雞同埋魚, 每樣柯打左一份, 火雞肉身都唔算好鞋, 肉身算鬆, 可以啦; 而魚就煎得好香, 一d都唔腥, 配埋蕃茄酸酸地, 都幾醒胃, 份量係少d, 不過好彩有薯蓉人伴碟, 都算夠飽; 而甜品係朱古力布甸配雪糕, 朱古力布甸都算香, 味道唔算好甜, 不過就好重冧酒味, 師傅就唔係咁鍾意, 而雪糕係雲呢拿味, 一般啦; 而餐飲師傅揀左凍檸茶, 不過就冇咩特別!
總括黎講食物質素一般, 唔算太出色, 而環境就頗舒服, 氣氛熱鬧開心, 服務亦算友善, 價錢唔算貴, 以聖誕日黎講, 三百五十蚊一位絕對唔算貴, 接受到, 加上又可以遠望迪仕尼嘅煙花, 感覺特別唔同; 呢個聖誕餐都算令人滿意, 不過師傅相信如果閒時黎嘅話, 食物水準應該會更好, 更加啱好味, 有機會都會再黎, 而笑臉值得一比!
張貼
