影片
更多
2020-06-17
911 瀏覽
同九龍城街坊講開有乜好食，其實總離不開魚蛋粉麵、泰國菜，潮州菜同火鍋。反而要吃中餐館有少少悶，你想吃中菜小炒的話，絕對冇深水埗、長沙灣或者油尖旺咁多選擇而又多姿多彩。上星期同老婆兩個人嚟到九龍城揼骨，突然間想吃中式小菜，想了又想有乜嘢好選擇。在黃店嘅app裏邊搵到呢一間聚味軒，人就在附近，便去看看，去到剛巧有張枱，天時地利人和配合，冇理由唔食。去到餐廳入邊，幾張枱都係打邊爐，反而得一兩台食小菜，我開頭都有少少懷疑自己揀錯選擇，不過兩個人打邊爐又好似唔係好啱，結果還是吃小炒吧。餐廳另一個打卡位就係呢張海報吧。講番野食，選擇唔算係好多，不過勝在樣樣選擇都好吸引。價錢方面，都幾抵食，今晚我哋兩個人都係食咗$400左右。先吃人人叫的冰鎮生炒骨，睇相你可能會想起高高，高高應該係做冰鎮最有名嘅其中一間小炒店，但上次在高高吃飯的感覺又冇乜特別，但呢度嘅冰鎮生炒骨卻令我眼前一亮。個個IG打卡都係主要食呢個菜式，味道都的確唔錯。外層做到冰凍無比，外層的冰冷感覺做得好好味，更有點脆口，然後肉質的暖和香，吃得出那層次。當然要吃點菜，廚師推介加了點重口味，芥菜戀豬潤，叫得推介，當然有信心。雖然芥菜未算係最靚嘅
反而要吃中餐館有少少悶，你想吃中菜小炒的話，絕對冇深水埗、長沙灣或者油尖旺咁多選擇而又多姿多彩。
上星期同老婆兩個人嚟到九龍城揼骨，突然間想吃中式小菜，想了又想有乜嘢好選擇。
在黃店嘅app裏邊搵到呢一間聚味軒，人就在附近，便去看看，去到剛巧有張枱，天時地利人和配合，冇理由唔食。
去到餐廳入邊，幾張枱都係打邊爐，反而得一兩台食小菜，我開頭都有少少懷疑自己揀錯選擇，不過兩個人打邊爐又好似唔係好啱，結果還是吃小炒吧。餐廳另一個打卡位就係呢張海報吧。
講番野食，選擇唔算係好多，不過勝在樣樣選擇都好吸引。價錢方面，都幾抵食，今晚我哋兩個人都係食咗$400左右。先吃人人叫的冰鎮生炒骨，睇相你可能會想起高高，高高應該係做冰鎮最有名嘅其中一間小炒店，但上次在高高吃飯的感覺又冇乜特別，但呢度嘅冰鎮生炒骨卻令我眼前一亮。
個個IG打卡都係主要食呢個菜式，味道都的確唔錯。
外層做到冰凍無比，外層的冰冷感覺做得好好味，更有點脆口，然後肉質的暖和香，吃得出那層次。
當然要吃點菜，廚師推介加了點重口味，芥菜戀豬潤，叫得推介，當然有信心。雖然芥菜未算係最靚嘅時候，但係新鮮得驚人。
豬潤唔係漢記大大件個種路線，反而size係維記個種size，睇你鍾意邊隻，不過毋庸置疑煮得非常好食。
看到博客K小姐的IG，大讚這裡的黃金四季豆，食完後，深感認同。
脆到好似食薯片一樣嘅黃金外層，最重要係冇乜油，你食完之後成隻碟都搵唔到一滴油，感覺香口而你唔會覺得唔健康。
真功夫炒飯，大份到基本上可以夠四個人食，我哋兩個人基本上食唔哂，仲要拎走。炒飯相對簡單，但個人認為較為濕身，不過不失。
食緊飯嘅時間，隔離枱全部打邊爐同食水煮魚，香氣非常迷人，下次，一於約班同色系嘅朋友打下邊爐。
這樣的黃色小炒，其實係呢個時勢應該很受歡迎的，不是嗎？
聚味軒 九龍城獅子石道40號福聯樓地舖
張貼
