彩福皇宴 (安達中心)

營業中

休息中

朋友同我講尖東彩福皇宴D小菜幾好食，裝潢又高雅，坐得又舒服，好啱晚飯聚會，今次就來試試。ㄧ去到就見到加拿大龍蝦做緊推廣，見價錢都合理，叫了二隻上湯開邊焗來試下。龍蝦肉厚又鮮味彈牙，連同吸收咗龍蝦鮮味的上湯伊麵ㄧ起食，真係食到舐舐脷😋小食就叫咗燒腩仔，用五層肉來燒制，外皮好脆，肥瘦適中，又保存到肉汁。正!!松子沙汁蜜桃青瓜蝦球，大大隻炸蝦球，好彈牙，沾上了沙拉汁，再夾埋蜜桃和青瓜ㄧ齊食，真係好清爽可口。巧手煎焗新會陳皮豚肉粒，炸過的豚肉粒沒有油膩感，加上粒粒的陳皮ㄧ齊煎焗過，增加不少香味。黑椒京蔥牛仔骨份量都大，牛仔骨嫩滑配上京葱食好惹味。欖菜肉鬆蝦乾四季豆，好惹味送飯一流。還點了ㄧ條清蒸沙巴龍躉斑，冇腍過咁大條，但都蒸得好滑。甜品就叫了原個椰皇燉燕窩，又香又甜又滑，還有ㄧ大堆燕窩在頂部，十分抵食。朋友冇介紹錯，這間「彩福皇宴」都幾抵食，食材又新鮮，坐得又舒服，下次一定會再來。