孖啡 (已結業)

網上睇到依間孖啡好適合同朋友黎聚會，無限時又有唔同款嘅卡牌玩，環境寬敞，有大大小小嘅枱，最多可以坐到8-10人添。Set menu有主食，包一杯$38蚊飲品可以補差額，仲可以追加甜品。香蒜白酒蜆意粉，蜆份量非常多，每一粒都好飽滿鮮甜，白酒味唔會太搶，意粉軟硬適中。煙三文魚意大利烘飽配薯條，入面夾咗三文魚、生菜、蕃茄，口感一流，煙三文魚嘅煙燻味非常香口。而薯條非常香脆，而且好入味。追加咗一份牛角窩夫伴雪糕，牛角窩夫外脆內軟，蛋香味濃。藍莓乳酪，上面有忌廉，好creamy，唔會太甜。荔枝梳打，清新解渴，夏天飲最合適不過。