星海薈﹒譽宴

營業中

休息中

係新城市廣場行完街購物，去咗附近中菜酒家星海. 星海薈食晚飯，酒家係酒店入面，環境一流，用左閃爍嘅水晶燈飾，裝潢高貴典雅，係聚會飯局嘅好地方，有著舞台裝置嘅寬敞空間，適合舉行婚宴，下次晏晝可以嚟飲茶食點心。花旗參竹絲雞海螺燉花膠湯養生滋補，花旗參嘅清甜，竹絲雞嘅鮮美，海螺嘅爽口同埋花膠嘅濃郁膠質，每一口都讓人滿足。紅燒皇子乳鴿乳鴿肉質細嫩，外皮燒至香脆，咬落口多汁。鐵板白胡椒煎焗澳洲龍蝦見到最chill粵菜推介即刻點左，份量足大約斤半，龍蝦肉質鮮嫩，白胡椒辛香味與海鮮嘅鮮味完美結合，煎焗手法將龍蝦嘅味道提升到了另一個層次，完全滿足我呢個海鮮愛好者嘅胃口。見到新一期順德菜推出，下次要試吓。