台灣ET鹽水雞 (已結業)

近排台灣大選成為全球焦點，猴子都湊湊熱鬧，來到台灣ET鹽水雞吃一餐台式午飯。猴子點了最大眾化嘅A餐，係一人份量，主食係台式冷麵，餸菜就揀咗雞腿、皮蛋同雞腎。  烹調方法係將所有食材混入加了醬汁嘅冷麵，然後炒埋一碟。由於醬汁味濃，所以各種食材嘅味道都分唔到太清楚。幸好雞腿同雞腎係兩種截然不同嘅口感，一個滑，另一個爽，所以食起上嚟都唔會太單調。至於皮蛋，由於味道同醬汁有啲「撞」，所以食起上嚟有種「無乜味」嘅錯覺。  話明係鹽水雞，所以都預咗鹹味比較高，食完之後雖然有啲口乾，不過唔鹹又好似冇咁惹味。