名峻會 (莊士倫敦廣場)

營業中

休息中

又到聖誕節，梗係要約啲朋友出嚟開吹水啦！ 今日同friends去一間高級中菜/私房菜吹水食飯， <名峻會>位於佐敦彌敦道219號莊士倫敦廣場13樓。《薑蔥霸王雞》，雞肉嫰滑，雞味濃郁，配上超多蔥花+秘製醬汁，超香， 仲特別惹味添！ 《西湖牛肉羹》，美味可口，牛肉潤滑，每口都有牛肉碎、蛋白&豆腐，這個組合超夾，再加上芫荽，就可以更添香味，正呀！ 份量十足嘅《薑蔥魚腩煲》， 鮮味十足，外皮香脆，魚肉嫩滑，再加上大量薑蔥就更加惹味啦！ 下次可以約三五知己開雀局添呀，地方企理又寬闊！價錢合理，位置仲好方便添，佐敦地鐵站步行2-3分鐘就到。