緣聚 (已搬遷) 新店位置

元朗出名多日本野食，每一間都大排長龍。我同老婆都唔想等位，所以經過一間唔駛等太耐位，當然即刻入去醫肚la。 又見佢唔貴$208加1。我地好好彩有梳化位坐。食放題一開始當然要食小小熱食，暖下個胃先。香煎大蝦，巴西牛舌， 黃金燒蠔，蒜片炒金菇牛肉 。呢幾樣味道同賣相都唔算特出。暖咗胃之後就到主角出場。刺身到……三文魚，八爪魚，帶子……每一片都好新鮮，三文魚食落有油香。最緊要係，平時食放題帶子通常都係細碼上，今次係中碼上。叫咗3轉刺身就來返轉壽司。估唔到壽司都好足料。手卷當然唔少得，就來了一個黃金魷魚手卷。有水準，紙菜仲係脆口，魷魚夠鮮味。最後，要試下甜品。