城寨風味 (已搬遷) 新店位置

約了小學同學晚餐聚會，難得齊人今次搵間特別啲。聽講九龍城有一間菜館，餸菜好似好特別，連餸名你都估唔到係咩！先來一道白玉藏珍，份量大有體面。圍邊的是冬瓜清甜多汁，包裹著粒粒海參，白果，冬菇和蔬菜粒，非常有口感。四款不同石鍋，有魚翅，鲍魚，花膠和海參，材料矜貴。我揀選海參石鍋，海參好腍。 以高湯入餚好入味。貌似荷葉飯的荷葉刺參珍珠卷又有驚喜。一條手指長的海參藏了飯內，好富貴。另外有好多蝦米，香囗惹味，飯粒充滿鮮味。飯後送紅豆沙糖水，起沙，不甜不膩。整晚無論食物質素，環境，服務全部都滿意。