影片
更多
2010-02-14
21 瀏覽
1 月份朋友提議想食串燒 + 日本野，所以揀左油麻地呢間「串」一試~$168 蚊任食 100分鐘 ( 100分鐘後截單，但可以繼續坐 )，另再加一收費~我地 7:15pm 去到，但可能太早，入面仲未有其他客人。不過因為怕冇位，都已經一早 book 左留定 8 位架喇~入到去坐底就即刻點野食 我地差唔多樣樣都有叫黎試，總體上大部份食物都好食，但當中有少部份真係不建議一試.........碟燒牛肉粒比較老同韌，可能個師傳整得太耐喇....而隻溫泉蛋係凍既，感覺怪怪的~另外有個乜乜奄列，又係唔好食的，朋友試過都話咪制 雖然有某 d 唔好食，但好食既野都有唔少， d 刺身好正！朋友話︰「同金水既一樣」個蟹子沙律同刺身沙律作為前菜真係 100 分！個蟹子沙律食落好新鮮同粒粒蟹子，而個刺身沙律就因為酸酸地，所以食完好開胃！絕對冇叫錯！海老天婦羅就夠哂熱！咁先至唔怕食落口有油膩感。而炸粉都唔算多，都可以好明顯咁咬到隻蝦肉，但隻蝦個 size 就唔算好大，可以食多一兩隻~~個炸生蠔就一般，一人一隻都夠喇，但都係親熱食好 d ~~d 串燒雞肉、雞翼、墨魚咀、牛舌都係預期之內，比較特別既係串燒溫室蕃茄，
$168 蚊任食 100分鐘 ( 100分鐘後截單，但可以繼續坐 )，另再加一收費~
我地 7:15pm 去到，但可能太早，入面仲未有其他客人。不過因為怕冇位，都已經一早 book 左留定 8 位架喇~
入到去坐底就即刻點野食
我地差唔多樣樣都有叫黎試，總體上大部份食物都好食，但當中有少部份真係不建議一試.........
碟燒牛肉粒比較老同韌，可能個師傳整得太耐喇....
而隻溫泉蛋係凍既，感覺怪怪的~
另外有個乜乜奄列，又係唔好食的，朋友試過都話咪制
雖然有某 d 唔好食，但好食既野都有唔少， d 刺身好正！朋友話︰「同金水既一樣」
個蟹子沙律同刺身沙律作為前菜真係 100 分！個蟹子沙律食落好新鮮同粒粒蟹子，而個刺身沙律就因為酸酸地，所以食完好開胃！絕對冇叫錯！
海老天婦羅就夠哂熱！咁先至唔怕食落口有油膩感。而炸粉都唔算多，都可以好明顯咁咬到隻蝦肉，但隻蝦個 size 就唔算好大，可以食多一兩隻~~
個炸生蠔就一般，一人一隻都夠喇，但都係親熱食好 d ~~
d 串燒雞肉、雞翼、墨魚咀、牛舌都係預期之內，比較特別既係串燒溫室蕃茄，但味道就麻麻啦~
食到差唔多時候，就叫甜品 ( 1 人限 1 份 )， d 雪糕原來只係「雀巢雪糕杯」..........而朋友想叫既和菓子就當日已經冇哂..........唔怪得限 1 份啦，感覺只係俾個完美結束俾食客，唔係志在係度食甜品，哈哈~~
最後，每間任食餐廳都必有既漏單情況，呢間算可以接受，走左只係幾份食物，而且冇得食既種類，侍應都會通知大家~
張貼
