龍門冰室 (已結業)

相信呢半年大家一定唔會對「龍門冰室」呢個名陌生。因為工作關係一直都不能到呢一度支持一下，呢日趁假期嘅時候，於是抽空嚟到銅鑼灣分店。入面人頭湧湧，但係剛好遇上兩個空位，所以不用排隊就直接入去下午茶都睇到眼花撩亂，實在太多款式，而之前都聽過好多人對於不同嘅菜式也有好評，所以霎時之間難以決定食乜嘢。後來都係決定叫下面呢兩款下午茶玉子燒常餐，炸醬豬頸肉米綫雖然米線嘅顏色偏向好似好辣，其實湯偏淡，而且炸醬嘅味道不突出，一般。豬扒炒烏冬豬扒非常大片，簡直係男士們嘅份量。烏冬味道小小甜甜地，而不太軟身，所以合格。依呢個下午茶嘅價錢絕對係非常非常優惠！大件夾抵食！至於服務態度方面，有待改善，某一兩個職員態度較為鬆散，一次又一次問佢哋拎餐具嘅時候都大意地忘記咗，以餐具上面嘅都有明顯嘅污跡，同飯粒。希望職員方面可以加強留意衛生。