影片
更多
2020-12-01
454 瀏覽
<<Daily 豬仔尋食記🐖>> 嚟到聯和墟呢個美食小區，平靚正嘅食物真係好多，但相信10個有九個朋友，都會同你講要試吓四眼仔腸粉，因為真係屹立不倒幾十年，仲要價錢品質都真係冇乜點變。🥳除咗係食佢嘅味道同埋佢真係夠平之外，仲真係食佢嘅回憶。講真平民小食就真係要呢啲價錢，先覺得真係好抵食，價錢合理。你又可以魚蛋燒賣腸粉粉果樣樣揀啲，已經好飽肚！😉😎每次嚟到食佢嘅腸粉熱辣辣，滑嘟嘟，重點係啲醬料都落得好重手，你可以好似平時咁自己揀自己想要嘅醬料，同返佢講，但我多數都會叫混醬，走辣，再加埋啲芝麻，真係好香，每條腸粉都黐到啲醬汁，食腸粉最緊要就係啲醬！🥰之後推薦佢嘅魚蛋，因為佢啲魚蛋係果皮魚蛋，同出面嘅魚蛋好唔同，因為真係唔係度度有，食落外皮比較煙韌，然後有淡淡的果皮香味，同出面嗰啲鬆鬆散散嘅魚蛋一啲都唔同，唔會覺得好多粉，而燒賣就同出面普通魚肉燒賣冇乜分別，不過就真係好抵食，而我每次去到都會叫佢嘅粉果，覺得好正宗，裏面嘅花生好香，外皮又好有𡁻口。最主要係每樣叫完多數都係$20一袋，超級抵食！咁多年價錢，都冇乜點變，食物質素都冇乜點變！讚☺️講真呢啲小店真係買少見
嚟到聯和墟呢個美食小區，平靚正嘅食物真係好多，但相信10個有九個朋友，都會同你講要試吓四眼仔腸粉，因為真係屹立不倒幾十年，仲要價錢品質都真係冇乜點變。🥳除咗係食佢嘅味道同埋佢真係夠平之外，仲真係食佢嘅回憶。講真平民小食就真係要呢啲價錢，先覺得真係好抵食，價錢合理。你又可以魚蛋燒賣腸粉粉果樣樣揀啲，已經好飽肚！😉😎
每次嚟到食佢嘅腸粉熱辣辣，滑嘟嘟，重點係啲醬料都落得好重手，你可以好似平時咁自己揀自己想要嘅醬料，同返佢講，但我多數都會叫混醬，走辣，再加埋啲芝麻，真係好香，每條腸粉都黐到啲醬汁，食腸粉最緊要就係啲醬！🥰
之後推薦佢嘅魚蛋，因為佢啲魚蛋係果皮魚蛋，同出面嘅魚蛋好唔同，因為真係唔係度度有，食落外皮比較煙韌，然後有淡淡的果皮香味，同出面嗰啲鬆鬆散散嘅魚蛋一啲都唔同，唔會覺得好多粉，而燒賣就同出面普通魚肉燒賣冇乜分別，不過就真係好抵食，而我每次去到都會叫佢嘅粉果，覺得好正宗，裏面嘅花生好香，外皮又好有𡁻口。最主要係每樣叫完多數都係$20一袋，超級抵食！咁多年價錢，都冇乜點變，食物質素都冇乜點變！讚☺️
講真呢啲小店真係買少見少，所以大家一定要多多支持，不過四眼仔腸粉，我日日都見到佢大排長龍，大家應該都唔使擔心🤣🤣
張貼