The Fat Oyster

營業中

休息中

原本唸住同朋友仔是但搵個地方食吓蠔飲吓酒聯誼吓，但去到竟然有驚喜，食品質素出奇地好，亦有好多元化嘅選擇！生蠔好新鮮仲要七點半前係叫一打送半打非常抵食，同埋亦可加錢以優惠價換購其他食品，我就加$58蚊叫咗板韓國海膽試試，味道比日本嘅海膽無咁鮮甜，但都唔差可以一試！另外我再揀咗塊牛扒$248(加咗$50加工費)，煮得恰到好處配菜亦都好美味尤其係個焗蒜頭真係好回味，而且店內嘅酒都唔算好貴我揀咗支大約百幾蚊嘅白酒質素都唔差！最後就係講吓阿老闆娘，初時以為佢串串地但係後來傾多幾句發現佢都只係對食物有啲執着，而且每款食品都解釋得好清楚，即刻對佢嘅印象改觀，而且仲越傾越開心！