百份百餐廳 (元州街) (已結業)

其實我覺得百份百這間餐茶集團好聰明，分店主要集中各區多個屋苑。因為不在一線的區域，不用與貴價餐廳直接競爭，但因為檔次又比一般茶記為高，成功打敗區域內的小店，導致集團近年不斷擴張。元洲街這間百份百餐廳食過幾次，食物質素算不錯，連鎖店黎講算keep到正常水準，但價錢就比一般茶餐廳高。漁香茄子飯的醬料肉碎都好足料，而且茄子都好多，醬打得幾好，有少少微辣提一提個味，係一個合格嘅漁香茄子飯。方魚肉碎海鮮泡飯製作需時，大約等咗5-7分鐘左右，湯底幾惹味，唔會太鹹。材料都幾多，但略嫌方魚粒好少，無咗整個飯嘅精髓。