影片
更多
2022-09-14
1086 瀏覽
呀女一歲生日，book咗張枱同屋企人一齊慶祝。本身見個場啲設施都幾啱幼兒玩都幾期待，點知去到未入場已經開始受氣。😢首先要行樓梯先去到電梯大堂，選址有問題。上到去reception位對名諗住入座，我地book咗3點，當時係2點56分，佢話而家登記就當56分開始🤯。Well...咁我唔入住囉！放一放低啲袋係換鞋位除定鞋先，佢話可以入去個等候區等夠鐘。媽媽除好鞋，諗住逐袋拎入去（都有4-5個袋），點知有個好似話得事嘅女人走埋嚟話我啲袋放係換鞋區唔得。大姐呀，我地拎緊架喇，使唔使咁都趕呀！然後交咗個蛋糕俾個職員，個話得事嘅女人又衝緊埋嚟...「我地要收切餅費！」佢表情又無禮貌又無，我唯有簡潔答佢一句「得啦」。呢刻佢可能意識到個氣牆有問題，即刻唔多忿氣咁講「我諗住解釋俾你聽吓啫」。其實到呢刻為止佢地個個講嘢都係一種命令形式，我要control你地咁，令人好唔舒服。🤬最好笑係小朋友玩玩吓甩咗隻襪仔，啱啱先執起，就有個職員埋嚟「你要着襪呀！」。準備着啦，唔執點着呀！😰食物方面就無咩評價，反正我地都無預佢好食，正常唔難食就得。但係都唔好食到肚痾呀。肚痾嘅人食過蛋沙律三文治同Tiramisu，係是但一樣
首先要行樓梯先去到電梯大堂，選址有問題。上到去reception位對名諗住入座，我地book咗3點，當時係2點56分，佢話而家登記就當56分開始🤯。Well...咁我唔入住囉！放一放低啲袋係換鞋位除定鞋先，佢話可以入去個等候區等夠鐘。媽媽除好鞋，諗住逐袋拎入去（都有4-5個袋），點知有個好似話得事嘅女人走埋嚟話我啲袋放係換鞋區唔得。大姐呀，我地拎緊架喇，使唔使咁都趕呀！
然後交咗個蛋糕俾個職員，個話得事嘅女人又衝緊埋嚟...「我地要收切餅費！」佢表情又無禮貌又無，我唯有簡潔答佢一句「得啦」。呢刻佢可能意識到個氣牆有問題，即刻唔多忿氣咁講「我諗住解釋俾你聽吓啫」。
其實到呢刻為止佢地個個講嘢都係一種命令形式，我要control你地咁，令人好唔舒服。🤬
最好笑係小朋友玩玩吓甩咗隻襪仔，啱啱先執起，就有個職員埋嚟「你要着襪呀！」。準備着啦，唔執點着呀！😰
食物方面就無咩評價，反正我地都無預佢好食，正常唔難食就得。但係都唔好食到肚痾呀。肚痾嘅人食過蛋沙律三文治同Tiramisu，係是但一樣㗎喇，其他無食呢兩樣嘅無事。🤢🤢🤢
呢間嘢俾我感覺就好似有個富二代開嚟扮做嘢，開間cafe唔夠gimmick，加埋親子兩個字係咪容易啲問daddy借錢？育嬰室都無個，究竟係咪真係知有小朋友嘅客要啲咩，錢人地預咗俾，但唔該俾返啲應有服務嚟先丫！
張貼