影片
更多
2024-09-09
3682 瀏覽
呢間餐廳嘅裝修確實好靚，係佢嘅賣點之一。我之前睇過佢哋嘅預約系統，發現週末晚餐時間通常都好滿，打電話過去職員話週末嘅晚飯時間要等至少三個禮拜先有位。而且，佢哋嘅晚餐預約時間只係得六點幾，但餐廳其實開到9:30。今次我哋冇預約，星期日路過就入去，竟然完全唔使排隊，入到去發現有好多空台(應該直頭話得1隻手數得嗮咁多枱客)，感覺佢哋係做緊飢餓營銷。初時嘅女職員態度好好，主動帶我哋去靚位，後來發現佢應該係經理或者老細，因為佢嘅制服唔同，仲要同時做好幾個位置。我哋坐低之後，等咗十幾分鐘都冇人送水過嚟，見到隔籬枱都有水，但我哋叫職員都好耐先有人理。幾次叫職員都係咁，佢哋明明見到我哋，但係做其他嘢先至過嚟（包括行過咗我地去咗我地後面啱啱有客走咗嘅空枱傾計，但係又唔係執嗰張枱跟住先過返嚟扔低2杯水）（再包括我哋想再嗌嘢飲咁喺上菜嗰陣我同朋友講不如我哋嗌埋囉，跟住個上菜嘅職員上完菜之後就即刻走咗，但係我個音量係喺嗰陣嘅環境底下係冇可能佢聽唔到），整體態度我只可以話係一般般。我哋叫咗兩個甜品，朱古力餅同焦糖布甸，但送上嚟嘅唔知點解都係蛋糕，總之唔係餅同布丁嘅texture。再睇Menu，朱古力餅嘅英文寫住
呢間餐廳嘅裝修確實好靚，係佢嘅賣點之一。我之前睇過佢哋嘅預約系統，發現週末晚餐時間通常都好滿，打電話過去職員話週末嘅晚飯時間要等至少三個禮拜先有位。而且，佢哋嘅晚餐預約時間只係得六點幾，但餐廳其實開到9:30。今次我哋冇預約，星期日路過就入去，竟然完全唔使排隊，入到去發現有好多空台(應該直頭話得1隻手數得嗮咁多枱客)，感覺佢哋係做緊飢餓營銷。
初時嘅女職員態度好好，主動帶我哋去靚位，後來發現佢應該係經理或者老細，因為佢嘅制服唔同，仲要同時做好幾個位置。我哋坐低之後，等咗十幾分鐘都冇人送水過嚟，見到隔籬枱都有水，但我哋叫職員都好耐先有人理。幾次叫職員都係咁，佢哋明明見到我哋，但係做其他嘢先至過嚟（包括行過咗我地去咗我地後面啱啱有客走咗嘅空枱傾計，但係又唔係執嗰張枱跟住先過返嚟扔低2杯水）（再包括我哋想再嗌嘢飲咁喺上菜嗰陣我同朋友講不如我哋嗌埋囉，跟住個上菜嘅職員上完菜之後就即刻走咗，但係我個音量係喺嗰陣嘅環境底下係冇可能佢聽唔到），整體態度我只可以話係一般般。
我哋叫咗兩個甜品，朱古力餅同焦糖布甸，但送上嚟嘅唔知點解都係蛋糕，總之唔係餅同布丁嘅texture。再睇Menu，朱古力餅嘅英文寫住Chocolate cake，我當係語言藝術，我都算，但焦糖布甸寫住Pudding，送上嚟嘅都係蛋糕，真係r頭，但係嗰陣心情同埋環境嘅因素加埋我最後就無選擇同個店員講或者係詢問嘅。
我哋本身諗住嗌兩杯Cocktail，但職員話嗰六七款cocktail入面頭三款未有，留意返佢個字眼係話未有。間餐廳都開咗幾個月，佢如果未ready點解又要show出嚟唔貼住佢呢（嗰3款酒嘅材料完全唔一樣㗎喎，唔係話某一樣缺貨咁樣），最搞笑係佢野飲menu最下面仲要寫住如果有其他想要可以同佢地講佢地可以整比你，但係佢地連自己menu材料勁普通嘅野飲都冇。
餐廳環境雖然靚，但光線好暗，食飯時感覺唔係咁舒服。總結嚟講，呢餐飯兩個人食咗差唔多$700，因為我哋有嗌埋甜品同嘢飲，但覺得唔值呢個價錢。餐廳名不符實，建議大家再考慮清楚先決定幫唔幫襯。
張貼