南瀛水產

呢度真係好有用餐氣氛🇯🇵先點咗杯青蘋果乳酸，翠綠色澤嘅冰蘋果，入口清脆，略帶酸甜，清新又開胃。海膽杯擺盤精緻，海膽鮮甜濃郁，鹹度適中，口感綿密細滑，份量都幾多！蟹味噌甲羅燒蟹肉、蟹膏、蟹籽組成嘅甲羅燒，加上鵪鶉蛋，即燒即食，入口微鹹，充滿醇香，喉嚨餘韻悠長，入口滑嫩綿密！黑松露鰻魚釜飯熱氣騰騰，飯粒粘滑飽滿，松露香氣四溢，鰻魚大大件，好多汁，足足裝到五碗米飯，份量豐富。東瀛五點盛 有牡丹蝦、三文角、油甘魚腩、拖羅、帶子，刺身色澤鮮艷，擺盤精緻美觀，款款都即切即上，入口凍冰冰。另外我哋都order咗熟食～野菜天婦羅和軟殼蟹沙律，份量豐富，尤其配搭嘅沙律醬汁，味道清爽可口，酸甜適中，解膩！