香葉越式料理 (已結業)

成日行經都唔多人，心諗可能唔多好食。但打完波好肚餓，行番出o黎最近就係呢間，都勉強試下喇，琴日成八點鐘得幾客，不過講真，以佢的裝修格局都ok ga，而且仲播jazz，難係high，好過去老趙迫到死。有套餐而且唔算貴，但唔多o岩食。睇佢menu都有d創新菜式，都幾吸引，奈何得兩個人食唔到d咩野。先o黎兩個小食，手撕雞柚子沙律-雞絲都幾滑，柚子就有帶d苦味、越式素菜卷-初時睇落去我似為係用椰菜做皮，原來佢較特別係將d米紙蒸熟後才包，所以係熱食。之後仲有炒雜菜、香茅豬扒撈檬同一杯三色冰，香茅豬扒幾大塊，夠鬆化唔會好實好乾，用o黎撈檬的魚露，就麻麻地，好淡唔夠鮮味，碟炒雜菜有好多西蘭花仲好大舊，唔似其他舖頭，俾埋d好平的菜頭菜尾炒埋一碟。