Diff. Cafe (已結業)

每個月都要去荃灣做啲嘢，咁就又食呢間咁高質嘅西餐啦。去嘅時間都係偏早，所以都係完全唔洗等位就可以去食。今次叫咗個意式茄醬肉丸意份。 佢個肉丸份量都好多，每粒都應該有煎過先放埋落去啲意粉度，食落好香，而且肉丸都好juicy，又唔會好柴，nice！意粉充滿住滿滿嘅蕃茄味，每條意粉到掛到啲蕃茄醬汁，唔係是但麵上面加pat醬，每啖都唔會乾。而且食完唔會口乾！餐湯都係南瓜湯，感覺比以前有少少同，感覺今次cream味重咗啲。