呂錦記手撕雞專門店 (皇后大道西)

營業中

休息中

最近西營盤地鐵站附近開咗間主打手撕雞外賣嘅分店，提供多款口味，另有幾款小食供應。一人套餐包手撕雞飯、小食同飲品，價格親民，份量適中，唔想煮飯嘅呢個都係個唔錯嘅選擇。手撕雞主要分為三款口味，傳統、懷舊同惹味，有辣有無辣，怕肥嘅仲可以要去皮版🤣 肉質嫩，一絲絲呈現，厚度適中，皮亦唔算肥，帶微微油脂感，淨食或者撈飯都OK。另有兩款小食，私心推介雞翼，雖然得三隻但係皮薄肉嫩，而且都幾入味、雞爪都唔錯，皮Q，帶有咬口。除咗手撕雞呢度亦有水晶雞，可惜賣晒，唯有下次再試！