影片
更多
4天前
0 瀏覽
今日去九龍灣行街，見到呢間茶記新開～入邊都幾多人，所以又去試吓🤓食物賣相一流～食物都大大份，都幾抵食🫶🏻我哋叫咗兩份鐵板餐～最後都食到太飽～食唔晒🤣首先講個特選晚餐C鐵板金牌羊架！🐑🔥 $176蚊，包埋煙三文魚沙律做頭盤，抵食！ 羊架唔算好羶，就算唔食羊嘅朋友都容易入口，而且啖啖肉！肥瘦均勻🤤 我加咗$8蚊要多隻太陽蛋🍳，睇落個餐更加豐富！另一個叫咗肉眼配鵝肝套餐！🥩🫙 $189蚊，鐵板上嘅肉眼煎到5成熟，肉質嫩滑，而且大大件！ 另外鵝肝嘅size大約係雞翼咁大，夠晒滿足！😋 薯條🍟都炸得好好食！ 加埋$3蒜蓉配搭牛扒，唔錯👍呢份都係追加埋太陽蛋🍳，簡直係完美配搭！跟餐有兩杯凍檸茶🍹，可以叫少冰少甜濃茶底，自由配搭👍蒜蓉包🍞，鬆軟香口！一般茶餐廳都係比半塊麵包，佢就一整塊俾晒你～一開波食咗塊麵包都飽飽哋😛羅宋湯🥣，茄膏味幾濃郁，仲見到有牛肉係入面～小食追加左瑞士雞中翼🍗，5隻$35蚊，雞翼好入味，瑞士汁甜甜地，好惹味！總括嚟講，呢間餐廳嘅食物質素唔錯，份量又足，價錢都算合理！環境都唔錯，下次可以會再嚟試其他菜式！
今日去九龍灣行街，見到呢間茶記新開～入邊都幾多人，所以又去試吓🤓食物賣相一流～食物都大大份，都幾抵食🫶🏻我哋叫咗兩份鐵板餐～最後都食到太飽～食唔晒🤣
首先講個特選晚餐C鐵板金牌羊架！🐑🔥 $176蚊，包埋煙三文魚沙律做頭盤，抵食！ 羊架唔算好羶，就算唔食羊嘅朋友都容易入口，而且啖啖肉！肥瘦均勻🤤 我加咗$8蚊要多隻太陽蛋🍳，睇落個餐更加豐富！
另一個叫咗肉眼配鵝肝套餐！🥩🫙 $189蚊，鐵板上嘅肉眼煎到5成熟，肉質嫩滑，而且大大件！ 另外鵝肝嘅size大約係雞翼咁大，夠晒滿足！😋 薯條🍟都炸得好好食！ 加埋$3蒜蓉配搭牛扒，唔錯👍呢份都係追加埋太陽蛋🍳，簡直係完美配搭！
跟餐有兩杯凍檸茶🍹，可以叫少冰少甜濃茶底，自由配搭👍
蒜蓉包🍞，鬆軟香口！一般茶餐廳都係比半塊麵包，佢就一整塊俾晒你～一開波食咗塊麵包都飽飽哋😛
羅宋湯🥣，茄膏味幾濃郁，仲見到有牛肉係入面～
小食追加左瑞士雞中翼🍗，5隻$35蚊，雞翼好入味，瑞士汁甜甜地，好惹味！
總括嚟講，呢間餐廳嘅食物質素唔錯，份量又足，價錢都算合理！環境都唔錯，下次可以會再嚟試其他菜式！
張貼
