影片
更多
2021-11-30
30 瀏覽
放工去咗尖沙咀食飯，之前經過已經想試「肉搏食堂」，但次次都要排隊。不過今晚可能夜咗，門口個靚女姐姐熱情招呼，話唔使等位可以直入😁。原來餐廳面積比想像中大，座位都幾多。我哋獲安排坐喺高枱，空間感較佳，但眼見普通餐枱就有少少迫🙈。店員好忙碌，不過全程保持有禮。由於天氣凍，所以想食啲暖嘅嘢，就揀咗兩碗肉肉飯🥩，不過餐廳亦有提供魚生飯㗎🍣。香蔥頂級牛肉配鵝肝丼($128)，🐮牛肉煎至半生熟，肉味都幾香，感覺有些少似食緊燒肉。鵝肝味道出色，有脆邊兼且入口即化嘅效果，但就略嫌薄身咗啲，唔夠喉。我本身唔鍾意食蔥，但配埋醬油，成個組合夾埋撈飯都幾好味🍚。慢煮黑豚盛丼($98/小)，黑豚丼賣相吸引，面頭有隻流心蛋黃🍳，篤穿佢再加埋麻醬食好多汁，但又唔會過濕。黑豚同想像中好唔同，質感有啲似火雞胸肉火腿，食落好軟身🐷。日本大根汁煮牛肉($48)，估唔到小食份量咁多，佢好有住家菜汁煮燉牛肉嘅風味。🥕蘿蔔煮得好入味，牛肉亦然，並且好有咬口，配飯食一流。飲品方面，我哋嗌咗青瓜青蘋果沙冰($58)同埋朱古力曲奇沙冰($58)，好矛盾呀天氣咁涼但又戒唔到飲凍嘢❄️。綠色嗰杯重青蘋果味🍏多過青瓜味，而且偏甜，建議加重青瓜
放工去咗尖沙咀食飯，之前經過已經想試「肉搏食堂」，但次次都要排隊。不過今晚可能夜咗，門口個靚女姐姐熱情招呼，話唔使等位可以直入😁。
原來餐廳面積比想像中大，座位都幾多。我哋獲安排坐喺高枱，空間感較佳，但眼見普通餐枱就有少少迫🙈。店員好忙碌，不過全程保持有禮。
由於天氣凍，所以想食啲暖嘅嘢，就揀咗兩碗肉肉飯🥩，不過餐廳亦有提供魚生飯㗎🍣。
香蔥頂級牛肉配鵝肝丼($128)，🐮牛肉煎至半生熟，肉味都幾香，感覺有些少似食緊燒肉。鵝肝味道出色，有脆邊兼且入口即化嘅效果，但就略嫌薄身咗啲，唔夠喉。我本身唔鍾意食蔥，但配埋醬油，成個組合夾埋撈飯都幾好味🍚。
慢煮黑豚盛丼($98/小)，黑豚丼賣相吸引，面頭有隻流心蛋黃🍳，篤穿佢再加埋麻醬食好多汁，但又唔會過濕。黑豚同想像中好唔同，質感有啲似火雞胸肉火腿，食落好軟身🐷。
日本大根汁煮牛肉($48)，估唔到小食份量咁多，佢好有住家菜汁煮燉牛肉嘅風味。🥕蘿蔔煮得好入味，牛肉亦然，並且好有咬口，配飯食一流。
飲品方面，我哋嗌咗青瓜青蘋果沙冰($58)同埋朱古力曲奇沙冰($58)，好矛盾呀天氣咁涼但又戒唔到飲凍嘢❄️。綠色嗰杯重青蘋果味🍏多過青瓜味，而且偏甜，建議加重青瓜味以提升清新度。🍪曲奇嗰杯用個好得意嘅杯裝住，味道唔錯，朱古力味突出。
總括嚟講，呢晚終於一嚐肉肉丼飯專門店，味道簡簡單單都OK😗。不過我認為份量偏少，男仔需要有加飯嘅選項，但又或者嗌多個小食亦得，得咗。
張貼
