BBQ 7080 (已結業)

一班人想吹吹水，又揀左黎食下韓燒，食過旺角店覺唔錯，今次嘅銅鑼灣聚會都係揀返7080，裝修同旺角店無異，等左陣就有枱，快快埋位就揀野食先。坐低就有嘅醬料，生菜。是晚冷盤~蓮藕，泡菜，翠玉瓜。還有每人一份嘅醃洋蔥，冷豆腐。點左六款肉類，豬牛為主，陸陸續續上枱，肉色唔錯，雪花肥紋盡現~起爐燒燒燒！肉質肥美甘香，油脂爆登，雪花牛肉真係必叫之選，另外豬脛肉，牛肋骨都好鬼正，我地一班食肉獸梗係食得好開心好滿足啦！！淨係食肉又唔得嘅，叫左個豬肉石窩飯，賣相精緻，隻蛋幾圓美！影完相梗係落哂啲韓式辣醬撈撈撈，少少飯焦夠香口，一人一碗飽哂。