屏山老地方

營業中

休息中

今日見得閒，去探下其他同事同佢地食飯啦😂。 本身大家都冇乜idea食啲乜，最後有一位提議去食都幾出名既肉餅飯，我地幾個都未試過，所以就試下🤔 店舖有啲住家既感覺，幾光亮，冷色調既燈光先令人知道係店舖。地點幾近車站，不過唔太近商場煩囂，好似有個明顯分界咁👍🏻。等左一陣就已經有位，店員拎黎是日精選比我地選擇，經過一輪天人交戰（選擇困難🫣）之後，我就選左薑蔥牛肉肉餅飯，同行友有選左孜然牛肉肉餅飯，個飯黎到果陣，我笑左一下，就好似張圖咁，外表幾乎一模一樣😂😂 味道上同想像中差不多，肉都新鮮既，唔會太肥，外皮稍有脆口感覺。店入面既醬油都可以加啲落飯既，不過我覺得肉餅本身既味都好夠！ 埋單一人51蚊左右（飲品另外加配），其實以午餐黎講都可以接受，性價比不錯。