亞越泰 (已結業)

下午茶時間幫襯咗呢一間，肉骨茶有驚喜，其他野就好一般。叫咗越式香茅雞扒馬來喇沙同埋香茅豬扒湯金邊粉，加$15跟多個肉骨茶，飲品就叫咗檸檬薏米水。個馬來喇沙OK嘅，佢係油麵溝米粉，個喇沙湯底OK，可惜個香茅雞扒完全無香茅味。個香茅豬扒湯金邊粉就正正常常啦，唔叫得好食。加$15嘅肉骨茶就最有驚喜，佢係深色藥材味濃嘅馬來西亞式肉骨茶，幾足料，不過舊排骨就細舊咗D，$15貨仔收晒貨啦。檸檬薏米水，都係咁啦。