豆漿大王

營業中

休息中

會嚟呢間豆漿大王食，係因為以前讀書嘅時候喺中大大埔附近有一間同名嘅，又係叫豆漿大王。 不過嗰間豆漿大王已經結業，所以就嚟新蒲崗試下呢間新嘅係點。我覺得唔係好差嘅，始終入過米芝蓮。不過我覺得有少少吹大咗。特別係嗰個粢飯，絕對唔係難食，都幾好味，但係講到係天上嘅食物就真係有啲誇張。 因為我以前喺台灣嗰啲早餐店食粢飯，我覺得同佢嗰啲係冇分別。鹹豆漿嚟講就真係好特別，因為從來未見過，未食過。我自己就唔係特別覺得好食，因為唔係好食得慣。不過大家可以去試下嘅，幾特別。最好食係嗰個肉鬆多士，不過因為午市太忙，所以淨係晚市先至可以叫到。 佢其實係一片炸饅頭，上面加煉奶，然後再擺極多肉鬆喺上面。 呢個配搭真係意想不到，好有創意，同埋真心極度好食。其他菜色都係普普通通。