茶茶Go

營業中

休息中

今日同朋友嚟旺角行街，天氣非常之熱，行經呢條食街見到呢間鋪頭竟然有賣之前喺大陸食過嘅熱門食物小貝（呢到叫小方），同朋友都非常鍾意食所以就決定幫襯，另外再揀咗兩杯飲品因為天氣真係太熱。要咗杯春滿金旺鳳梨，我呢杯非常清新菠蘿清香，茶味甘香，夠曬清新醒神又解熱！另外朋友點左杯逮丸芋頭2號，飲落有好多重口感，因為有唔同嘅配料例如芋圓同埋芋泥，所以係滿滿嘅芋頭香味，夾埋鮮奶飲落更加滑溜，推介！個小方雖然唔係完全同小貝一樣，但真係非常好食，外面包有肉鬆同埋紫菜，味道鹹鹹甜甜，口感豐富，小方其實係好似戚風蛋糕咁，蛋味好香濃而且係好Q彈鬆軟，一盒4件，大滿足！