大壹燒鵝 (MOSTown Street新港城中心大街(3期))

營業中

休息中

呢間主打燒鵝燒味店，平時見好多人 排隊， 諗住今晚放工，星期一冇咁多人就同老公去試下。 間嘢裝修普普通通，同茶餐廳冇乜分別 ，餐牌有小炒有燒味飯 。我哋兩個就叫咗兩個燒鵝拼乳豬飯 ，諗住係佢招牌菜， 應該穩陣。 嚟咗兩碗飯， 賣相同一般連鎖快餐廳冇乜分別。食落去嘅味道就真係 唔係咁好啦！ 連普通快餐廳都不如，但係收嘅價錢就68蚊一個 唔包嘢飲，嘢飲另計。 本來好肚餓嘅，但係都夾硬食。 我嗰碗飯就唔係好夠熱，汁又唔夠，燒鵝冇甜味， 乳豬皮又有啲靭 。食完之後， 我同老公都覺得完全名過其實， 聽人講話個主廚喺出名嘅，點知令人好失望。而且價錢仲要唔平，下次都唔會再幫襯 ！呢個價錢喺馬鞍山仲可以有好多好嘅選擇啦！！