影片
更多
2013-07-30
2245 瀏覽
兩個人訂了位，唔駛等。要左豬骨湯底，濃淡適，薯仔好粉，粟米好甜，有水準。本地手切肥牛：超好食！脂肪同牛肉既比例剛剛好，十分新鮮，有口感又不黏牙，入口即溶，食唔番都唔知點算。墨魚咀：椒鹽食得多，打邊爐都係第一次。灼幾灼就食得，好爽口，而且呢度d墨魚咀勁大粒，正。蟶子：$28大大隻，好厚肉鮮甜，估唔到尖沙咀呢個地段有咁抵食既海鮮。龍蝦條：呢個就比較普通，就係一舊炸過既粉團咁，唔係好覺有蝦肉既成份。除左食物掂，服務質素亦好值得欣賞。每個範圍都有固定職員留意各台需要，不時同我地加湯，而且好有禮貌；而且我地一早知道邊爐時間係兩個鐘，夠鐘個陣，職員見我地未食完都無催人走，係見到差唔多食完先過來溫馨提示，我地自然自動自己交台。遺憾係得兩個人，無叫到有12粒一份既餃類，個樣好吸引，下次多人d一定要試下！
本地手切肥牛：超好食！脂肪同牛肉既比例剛剛好，十分新鮮，有口感又不黏牙，入口即溶，食唔番都唔知點算。墨魚咀：椒鹽食得多，打邊爐都係第一次。灼幾灼就食得，好爽口，而且呢度d墨魚咀勁大粒，正。
蟶子：$28大大隻，好厚肉鮮甜，估唔到尖沙咀呢個地段有咁抵食既海鮮。
龍蝦條：呢個就比較普通，就係一舊炸過既粉團咁，唔係好覺有蝦肉既成份。
除左食物掂，服務質素亦好值得欣賞。每個範圍都有固定職員留意各台需要，不時同我地加湯，而且好有禮貌；而且我地一早知道邊爐時間係兩個鐘，夠鐘個陣，職員見我地未食完都無催人走，係見到差唔多食完先過來溫馨提示，我地自然自動自己交台。
遺憾係得兩個人，無叫到有12粒一份既餃類，個樣好吸引，下次多人d一定要試下！
張貼
