元帥麵館 (已結業)

買咗個肥腸湯米線(走芫茜)外賣做晚餐。返到屋企，發現漏左個湯，打電話去店主都幾有禮貌。去到攞返個湯，送多兩隻水餃，仲話下次請我食，算係咁啦。講返食物質素，麵底超多，淨米線已經裝滿隻(大)膠碗。一打開，肉碎香氣撲面而來。湯好香，香濃惹味，好似有d花椒八角味。味道自然但唔淡麵冇特別，掛湯唔錯且幼滑。肥腸八大件，棉軟得嚟幾彈牙，唔怕韌，冇異味，肉香配埋湯一絕也！整體幾好，滿意之上。唯獨新店開張，甩漏方面可加改善。