影片
更多
2021-08-05
50 瀏覽
平時真係好少過嚟呢頭，搭地鐵過嚟其實比想像中方便，呢間餐廳就喺鴨脷洲邨街市樓上，地方幾大，係坐得舒適嘅大排檔格局，主打海鮮但都有潮州菜、泰國菜同埋粵式小炒，晚飯時間都幾熱鬧!! 招牌白胡椒蟹 $498隻蟹比我想像中大隻，大約一斤半重，用鐵板上然後淋上胡椒醬汁，胡椒汁辣辣地好惹味，蟹鉗好大隻啖啖肉，已經預先整碎咗所以都容易食，蟹蓋由朋友一人獨享，食得好滋味!! 金沙黃金蝦 $98係濃郁嘅鹹蛋黃味，自己唔係太慣連埋蝦殼一齊食，所以我淨係食啲蝦肉，隻蝦其實好大隻蝦肉都鮮甜!! 滷水鵝片 $168份量非常多，下面嗰一層其實仲有鵝片加豆腐同花生，鵝肉滷得入味仲keep到嫩滑，肥瘦亦適中!! 建議推出份量少啲嘅例牌鵝片，細碟啲可以再試多幾味餸!! 椰青又係好大個清甜得來仲片到好多椰肉出嚟食，龍眼冰都唔錯!! 總括來講呢度嘅餸菜份量大有鑊氣，見唔少人要攞外賣盒拎走d食唔晒嘅餸!! 另外見佢都可以幫手加工外來海鮮，價錢都合理，喺樓下街市買海鮮上嚟煮都係一個option!!
招牌白胡椒蟹 $498
隻蟹比我想像中大隻，大約一斤半重，用鐵板上然後淋上胡椒醬汁，胡椒汁辣辣地好惹味，蟹鉗好大隻啖啖肉，已經預先整碎咗所以都容易食，蟹蓋由朋友一人獨享，食得好滋味!!
金沙黃金蝦 $98
係濃郁嘅鹹蛋黃味，自己唔係太慣連埋蝦殼一齊食，所以我淨係食啲蝦肉，隻蝦其實好大隻蝦肉都鮮甜!!
滷水鵝片 $168
份量非常多，下面嗰一層其實仲有鵝片加豆腐同花生，鵝肉滷得入味仲keep到嫩滑，肥瘦亦適中!! 建議推出份量少啲嘅例牌鵝片，細碟啲可以再試多幾味餸!!
椰青又係好大個清甜得來仲片到好多椰肉出嚟食，龍眼冰都唔錯!!
總括來講呢度嘅餸菜份量大有鑊氣，見唔少人要攞外賣盒拎走d食唔晒嘅餸!!
另外見佢都可以幫手加工外來海鮮，價錢都合理，喺樓下街市買海鮮上嚟煮都係一個option!!
張貼
