影片
更多
2021-08-26
460 瀏覽
朋友之前同我推介過「胡爐」嘅火鍋好正，但睇餐牌好似好貴咁😣，因為係單點。不過最近尖沙咀H8店推出半放題，閒日食計返都係三百幾蚊一位，絕對係令人心動一試嘅價錢。餐廳嘅半放題包括自選一款煲底、至尊拼盤(即當中嘅食材不設任點)以及超過三十款可供任點嘅火鍋料。🥢正價時段食每人收費$298，星期五、六同公眾假期加$30，另收加一服務費同醬油費$8。如果要埋飲品放題，每位額外比多$38。當揀完煲底後，至尊拼盤嘅食材亦會一併送上，基本上未嗌任食嘅部份都已經飽咗七成，非常豐富😍。煲底有得揀，例如有惹味雞煲、胡爐醉鴨煲以及黑白胡椒卜卜蜆煲等。我哋要咗雞煲🐔，辣度揀咗小辣，但對我嚟講都有啲過火🔥，好彩嗌咗任飲啫。佢隻辣唔講得笑，但麻味都好足，所以令我又愛又恨。雞肉份量多，長期滾住肉質都保持嫩滑，而且亦無斬到碎濕濕呢。當食到咁上下，就可以請店員加湯，轉打邊爐🍲。加湯後，辣度明顯減弱，不過愈食都有愈辣嘅感覺，因為湯入面嘅香料煲爛後，令到湯底更濃味。時令海鮮拼盤，是日五款海鮮包括海蝦、大蜆、青口、扇貝以及鮑魚。🦐海鮮全部都幾新鮮，而且大大隻，鮑魚難得淥完都唔韌，而扇貝就好夠厚肉。胡爐肉類拼盤🥩，左至右分別係澳洲
朋友之前同我推介過「胡爐」嘅火鍋好正，但睇餐牌好似好貴咁😣，因為係單點。不過最近尖沙咀H8店推出半放題，閒日食計返都係三百幾蚊一位，絕對係令人心動一試嘅價錢。
餐廳嘅半放題包括自選一款煲底、至尊拼盤(即當中嘅食材不設任點)以及超過三十款可供任點嘅火鍋料。🥢正價時段食每人收費$298，星期五、六同公眾假期加$30，另收加一服務費同醬油費$8。如果要埋飲品放題，每位額外比多$38。
當揀完煲底後，至尊拼盤嘅食材亦會一併送上，基本上未嗌任食嘅部份都已經飽咗七成，非常豐富😍。
煲底有得揀，例如有惹味雞煲、胡爐醉鴨煲以及黑白胡椒卜卜蜆煲等。我哋要咗雞煲🐔，辣度揀咗小辣，但對我嚟講都有啲過火🔥，好彩嗌咗任飲啫。佢隻辣唔講得笑，但麻味都好足，所以令我又愛又恨。雞肉份量多，長期滾住肉質都保持嫩滑，而且亦無斬到碎濕濕呢。
當食到咁上下，就可以請店員加湯，轉打邊爐🍲。加湯後，辣度明顯減弱，不過愈食都有愈辣嘅感覺，因為湯入面嘅香料煲爛後，令到湯底更濃味。
時令海鮮拼盤，是日五款海鮮包括海蝦、大蜆、青口、扇貝以及鮑魚。🦐海鮮全部都幾新鮮，而且大大隻，鮑魚難得淥完都唔韌，而扇貝就好夠厚肉。
胡爐肉類拼盤🥩，左至右分別係澳洲和牛、牛舌芯以及黑毛豬豚肉。幾款肉食落有明顯分別，🐮和牛肉味濃，但略嫌脂肪比例較少，無乜油香；而牛舌芯質感則幾軟稔👅。豬肉反而幾有驚喜，個味唔錯。如果唔食豬或牛其中一款，就可揀全豬或全牛。
手工丸拼盤🍢，三款丸包括黑松露墨魚丸、手打鮮蝦丸以及芝心牛肉丸，三款都咁正，各有各好食。墨魚丸同蝦丸真材實料，爽口彈牙，🍤蝦丸用上鮮蝦再加埋蟹籽，不得了。芝士牛丸都OK，同埋幾肯定係自家製。
手工餃拼盤🥟，三款餃包括泰皇鮮蝦雲吞、XO醬帶子餃以及自製魚皮餃。三款之中雲呑最出色，皮薄餡靚。XO醬嗰粒嘅XO醬味好突出，蓋過咗其他味。魚皮餃就同出面食開嘅差唔多。
除非真係好大食，否則上述非任食嘅食品已經足以塞飽肚仔。我哋呢日都半投降🙈，只係嗌多咗少少嘢食。鍾意食肉嘅朋友唔使擔心，任食選項都有幾款可選，我要咗美國肥牛，質素正常吖。由於打邊爐習慣咗一定要食麵，所以我嗌咗米線🍜，配合埋個湯底辣辣哋，勁夾啊。
蔬菜方面，我哋嗌咗唐生菜、粟米、薯仔同炸響鈴。全部份量都好的骰，啱啱好，唔怕食唔哂會造成浪費。相反啱食的話，叫多啲都仲得🌽！
差啲唔記得講，我哋開始十下十下前，店員先會送上一人一客蠔皇鮑魚佛跳牆。叫得佛跳牆就知佢乜料啦🤣。碗中有鮑魚仔、螺片、冬菇、金華火腿絲以及娃娃菜，佢哋全部都忟得好入味，瞬刻以為自己食緊精緻中菜。
最後食到尾聲，仲有一人一杯雪糕添🍨，呢隻大阪牛乳牌子比較少見，蜜瓜味好似比綠茶味好食。佢係飯後甜點，更加係解辣好幫手，哈哈。
總括嚟講，胡爐嘅火鍋放題確係物有所值啊，付出中等價錢，換來高級享受😎，而且肯肯定食得飽！食物以外，餐廳嘅環境同店員服務都令人滿意。
張貼
