black n white (已結業)

今日同朋友去完奧海城行街之後就即刻揾路行過黎嘆番個high tea因為本好好欣賞呢度既甜品，無論創意，味道或是賣相都係一流！而且價錢中等，所以值得一去再去。每次去到都會有好多新驚喜，因為師傅不斷研發新既甜品，所以一定唔會有食厭既一日今次黎到都同往時一樣，總係睇到眼都花埋，樣樣都想食，可惜眼寬肚窄，唯有試住幾樣先其實啲因為啲名太令喇，所以都唔記得哂lu只係記得好好味，哈哈~呢杯好似係叫sinking island，我揀佢既原因係因為睇落好似好好玩咁，因為你可以將個朱古力蓋放入去杯熱朱古力入面，然後就可以睇到朱古力蓋一路放熱朱古力入面溶化既景象，真係好得意呢！而且呢個飲品係可以選攞黑朱古力，牛奶朱古力或者白朱古力既，實會揾到岩你心水口味既一杯吧！今次我點左既係黑朱古力味，但係略嫌太苦，下次都係揀番牛奶朱古力味先~買滿二百蚊就會送一包朱古力比你，超好食呀!!!呢餐真係名符其實既又食又拎囉，可稱得上係滿載而歸，不論係肚，味覺及心靈上都得到好大既滿足感呢！