Que Pasa Cocina Latino (已結業)

已經係兩個月前,同幾個朋友去飲野,吹水. 因為當中有人食煙,所以想搵有得食煙地方. 本來都打定輸數,點知有靚女派傳單,仲標明可以食煙,所以成班一支箭衝上去.原來係有露台,半開放式,所以可以偷雞食煙.去到墨西哥餐廳,當然叫jar sangria試試味道如何啦! 呢間都唔錯,紅酒加雜果都幾好味,當然同佢用既紅酒質素係有直接關係.有酒飲都要有野送. 我發版叫一個蟹餅,一個墨西哥鮮蝦脆餅. 兩個同樣好味,份量好多! 蟹餅內蟹肉夠,食出雖然係雪蟹肉,不過味道都唔錯. 炸野都好難會失手.環境幾好,仲有大電視有波睇,啱哂球迷. 服務亦好好,係同煙酒朋友去吹水好地方.