eaaat. (V Walk) (已結業)

同朋友慶祝生日，為左就我呢個大肚婆方便，大家就選擇左南昌站上蓋的v walk食飯。咁岩商場做緊優惠，睇完戲去食飯有7折，十分抵食。我地叫左一個2人獨餐，一個一人套餐再加一份心太軟。卡邦尼意粉個汁夠傑身，好味。Pizza ok唔難食，一般水準。芝士排骨d肉唔會鞋，薯角炸得好脆又唔會過火。套餐送的甜品蛋糕好難食，超級甜，又似超市買的蛋糕仔。白桃梳打白桃味好淡，又唔夠甜。最驚喜係朱古力心太軟，外皮脆，中間蛋糕軟熟，流心熱辣辣，甜度剛剛，好好味。