明寶石餐廳

營業中

休息中

今晚放工和三知己去灣仔明寶石餐廳、七點去到已經見到有幾個人等位、我最怕等位但我老友話唔等係你嘅損失、好啦等咗15分鐘後入座。正在看菜牌老友立刻揸主意3位脆皮燒雞餐、1位招黑椒烤焗豬手、大家分嚟食。脆皮燒雞真正名符其實、雞皮卜卜脆而漲起、切開雞肉嫩滑多汁、質素水準直情係粵菜名店之出品、138元包大虾沙律、餐湯、蒜茸包、雞半只、紅豆綠茶布甸、重有杯飲品。真係難怪唔食係損失。另外豬手4人分剛好味道也夠香、肉也夠汁。4個大漢捧住個肚食到飽晒埋單$608。一定要讚吓先得。