陶園燒臘飯店 (已結業)

呢排天氣悶熱，放工冇咩心情煮飯，聽同事講話佐敦有間燒臘店唔錯，燒肉好得，所以即刻落佐敦買黎試下先！燒臘店係佐敦地鐵站一出行兩分鐘就到，地點非常方便，遠處已經見到有幾個人幫襯，相信出品應該唔錯😍👍🏻😋呢度除左有燒味之外，仲有滷水鵝，鴨等等，選擇非常之多！今日見到新鮮出爐嘅燒肉非常之juicy ，流晒汁咁！決定斬料燒肉同切雞番屋企！先講燒肉，皮燒得相當香脆，肥瘦適中，味道亦都相當入味，唔會過咸，剛剛好，而且肉質一啲都唔乾身，食落非常之多肉汁，好有驚喜！切雞，肉質夠嫩滑，連雞胸肉都唔會鞋身👍🏻👍🏻，又冇雪藏味，而且雞油甚多，加埋姜蓉一齊食超正！總結：今次同事真係冇介紹錯，以後會多啲嚟斬料加餸，名副其實嘅平靚正！😍