茶理史 (已結業)

呢間良心小店真係幾值得支持。一嚟店面好多好靚嘅裝飾，又有海報又有標語，每次幫襯都覺得充滿親切感。而且近年嚟珍珠奶茶真係賣得越嚟越貴，好多都三十蚊起跳，而茶理史好多飲品都係二十蚊就飲得起，間唔中飲下，年中都慳返唔少。白玉腐竹奶茶係市面上非常非常少見嘅手搖飲料（真心未喺其他舖頭見過），有種飲甜嘢嘅罪惡感當中加返少少健康嘅錯覺，算平衡返少少啦。飲得呢杯嘢我會揀熱嘅，半糖，甜度會有少少似腐竹糖水但變咗奶茶底。白玉其實同一般珍珠差唔多，都幾難得就算我嗌熱嘅啲白玉都唔會好淋唔好嚼。Overall味道我覺得都有中上㗎，$25物有所值！btw有免費杯套任攞，好warm好靚！