影片
更多
2008-10-15
40 瀏覽
食過無數次，一路都好鍾意金城嘅豬膶腸粉同埋魚皮，腸粉早嚟係冇得食嘅，要夜晚十點後先有，所以每次都係嚟宵夜，呢次係佢火燭之後第一次嚟，我哋叫咗： 爽脆魚皮：水準最穩定，實食！魚皮一啲腥味都冇，好鬼彈又好爽，薑蔥豉油好香，仲有芝麻同花生助興，非常精彩！ 豬膶腸粉：啲皮同伴食嘅豉油差咗！淨係豬膶冇變，唔得喎！皮冇以前咁薄咁晶瑩剔透，有啲厚，食落真係太多粉嘞；豉油亦冇以前咁香咁甜，以前浸極都唔會好似而家咁由佢浸住會好鹹！ 叉燒腸粉：一樣唔掂，叉燒差啲搵唔到，好似淨係食緊齋粉腸咁！ 炸醬撈粗麪：好多炸醬，又香口又甜，麪好彈，最驚喜係碗湯，好有蝦味，有啲似旺角中心好正嗰間！忍唔住飲晒！ 牛腩撈粗麪：牛腩都稔，牛筋食味好過牛腩，麪一樣咁彈，都好正！喺度至愛嘅腸粉唔知會唔會變番好呢？都會再嚟希望再食到以前味道嘅腸粉，至少都比多次機會佢，唔係又少一樣嘢食架啦！
食過無數次，一路都好鍾意金城嘅豬膶腸粉同埋魚皮，腸粉早嚟係冇得食嘅，要夜晚十點後先有，所以每次都係嚟宵夜，呢次係佢火燭之後第一次嚟，我哋叫咗：
爽脆魚皮：水準最穩定，實食！魚皮一啲腥味都冇，好鬼彈又好爽，薑蔥豉油好香，仲有芝麻同花生助興，非常精彩！
豬膶腸粉：啲皮同伴食嘅豉油差咗！淨係豬膶冇變，唔得喎！皮冇以前咁薄咁晶瑩剔透，有啲厚，食落真係太多粉嘞；豉油亦冇以前咁香咁甜，以前浸極都唔會好似而家咁由佢浸住會好鹹！
叉燒腸粉：一樣唔掂，叉燒差啲搵唔到，好似淨係食緊齋粉腸咁！
炸醬撈粗麪：好多炸醬，又香口又甜，麪好彈，最驚喜係碗湯，好有蝦味，有啲似旺角中心好正嗰間！忍唔住飲晒！
牛腩撈粗麪：牛腩都稔，牛筋食味好過牛腩，麪一樣咁彈，都好正！
喺度至愛嘅腸粉唔知會唔會變番好呢？都會再嚟希望再食到以前味道嘅腸粉，至少都比多次機會佢，唔係又少一樣嘢食架啦！
張貼
