臨記車仔麵 (已結業)

學星爺話齋臨記都係演員！雖然依度叫臨記但絕對唔係茄喱啡，二打六！係有質素，夠貼地既港式車仔麵！星期六中午時間人數唔多，好夠冷氣！小朋友們都食得好開心！好啱一家大細平平哋來共聚天倫！牛魔王入面有牛肚牛腩牛丸，牛氣沖天！不過最欣賞嘅都係個蘿蔔，夠淋同入晒味！仲有大量韭菜！選咗咖喱湯底，少少辣，好醒胃！鬼馬炸豬扒外皮炸到真係有啲似食緊油炸鬼，塊豬扒都唔會炸得太乾！下次會試埋個油炸鬼雞翼！得閒經過都會再黎臨記開餐！