臨記車仔麵 (已結業)

臨記車仔麵都算幾出名，但原來餐廳最近轉咗menu，專賣傳統粉麵，在座亦有公公婆婆同啱啱放上晝班嘅孫仔女食麵。優惠期間魚蛋粉全日$16，入面配料豐富。白魚蛋、魚片、魚片頭全部都好彈牙，仲配埋脆卜卜嘅魚皮，滿足晒貪心又下唔到主意嘅人。更加難得嘅係雖然特價之後店員都仲比我加料，因為係同人share碗米線，所以加咗牛筋、牛腩、魚皮餃。左加右加，最後只係$37，今時今日真係算幾抵。牛筋係我覺得最好食嘅一個餸，因為真係燘得好腍出晒膠質。牛腩都好入味同腍身。腐皮卷只能夠當小食咁點。腐皮好酥脆，餡料充足唔會食空氣。點埋醋食就更加夾。飲品有齊香港人最常飲嘅選擇，而且可以要求甜度同冰量。加$7有杯凍飲。檸茶茶底唔知係咪錫蘭紅茶，比較清香。